Արթիկ համայնքի ղեկավար Անան Ոսկանյանն ընդունել է ՍԱԼԱՐ Ինթերնեշնլ կազմակերպության Հայաստանյան և Ստոկհոլմյան գրասենյակների անդամներին` Ծրագրերի զարգացման գծով տնօրեն Էրիկ Ֆաքսգորդին, Ծրագրի ղեկավար Հալինա Լինդհին, Տարածաշրջանային ներկայացուցիչ Իեվա Կալնինային, Հայաստանում Ծրագրի ավագ ղեկավար Վարսենիկ Մնացականյանին, Տեղական ինքնակառավարման հարցերով խորհրդատու Գարիկ Խաչիկյանին, միջազգային փորձագետ Ագիտա Կալվինային, Ծրագրի համակարգող Արծրուն Պիվազյանին։
Արթիկ համայնքի ղեկավարի, Արթիկի համայնքապետարանի պատասխանատուների և ՍԱԼԱՐ Ինթերնեշնլի ներկայացուցիչների մասնակցությամբ տեղի է ունեցել աշխատանքային խորհրդակցություն, որի ընթացքում շվեդական կողմի հետ քննարկվել են համայնքային զարգացման և կրթության ոլորտում փորձի փոխանակմանն առնչվող հարցեր։ Կազմակերպության ներկայացուցիչները համայնքի ղեկավարին են ներկայացրել Շվեդիայի համայնքների և ռեգիոնների ասոցիացիայի (ՍԱԼԱՐ) ծրագիրը, որն իրականացվում է վերջինիս դուստր ընկերության` ՍԱԼԱՐ Ինթերնեշնլի կողմից 2022 թվականի սեպտեմբերից ի վեր և նպատակ ունի աջակցել Հայաստանի Հանրապետության Կառավարությանն ապակենտրոնացման բարեփոխումների իրականացման և տեղական ինքնակառավարման մարմինների հզորացման գործում` հիմնվելով տեղական ինքնակառավարման շվեդական և եվրոպական այլ երկրների երկարատև և հարուստ փորձի վրա:
Աշխատանքային խորհրդակցության ընթացքում մտքեր են փոխանակվել քաղաքական, վարչական ապակենտրոնացմանն առնչվող եվրոպական փորձի վերաբերյալ։
Համայնքի ղեկավարը շնորհակալություն է հայտնել ՍԱԼԱՐ Ինթերնեշնլի ներկայացուցիչներին այցի համար` կարևորելով նման այցերի նշանակությունն և շվեդական կողմի հետ փորձի փոխանակման ուսումնասիրությունը։