2023թ․ դեկտեմբերի 18-ին կայացավ «Աջակցություն Հայաստանում ապակենտրոնացմանը ու տեղական ինքնակառավարման բարեփոխումներին» (ԴեաԼոԳ) ծրագրի կողմից ս․թ․ հոկտեմբերին հայտարարված Գործընկերության բաց մրցույթի արդյունքներով ընտրված համայնքների և դպրոցների հետ առցանց մեկնարկային հանդիպումը։
Հանդիպման ընթացքում մասնակիցներն հնարավորություն ունեցան ծանոթանալու միմյանց հետ, ներկայացնելու իրենց հարցերը, մտահոգություններն ու սպասելիքներն դպրոց-համայնք փոխգործակցության տիրույթում և ԴեաԼոԳ ծրագրի համագործակցությունից։ Օգտվելով հնարավորությունից՝ գործընկեր համայնքներն ու դպրոցները համառոտակի ներկայացրեցին իրենց պատկերացումներն ու առաջարկվող հայեցակարգային գաղափարները դպրոց-համայնք համագործակցության վերաբերյալ։
Որպես հետագա անելիքներ, քննարկվեց 2024թ․ հունվարին գործընկերների մասնակցությամբ կազմակերպվող աշխատանքային հանդիպման մանրամասները, մասնավորապես կրթության և տեղական ինքնակառավարման ու ապակենտրոնացման ուղղությամբ ընթացիկ բարեփոխումները, դպրոց-համայնք համագործակցության շրջանակներն ու հնարավորությունները։ Ի լրումն, հանդիպման ընթացքում նախատեսվում է նաև ստորագրել Գործընկերության Համաձայնագիր յուրաքանչյուր գործընկերոջ և ՍԱԼԱՐ Ինթերնեշնլի միջև։
«Աջակցություն Հայաստանում ապակենտրոնացմանը ու տեղական ինքնակառավարման բարեփոխումներին» (ԴեաԼոԳ) ծրագիրն իրականացվում է 2022-2026 թվականներին Շվեդիայի Տեղական իշխանությունների և տարածաշրջանների ասոցիացիայի (ՍԱԼԱՐ) դուստր կառույց ՍԱԼԱՐ Ինթերնեշնլի կողմից՝ Շվեդիայի միջազգային զարգացման համագործակցության գործակալության (Սիդա) ֆինանսավորմամբ:
Ծրագիրը նպատակ ունի աջակցել Հայաստանի Հանրապետության կառավարությանն ապակենտրոնացման բարեփոխումների իրականացման և տեղական ինքնակառավարման մարմինների հզորացման գործում` հիմնվելով տեղական ինքնակառավարման շվեդական և եվրոպական այլ երկրների երկարատև և հարուստ փորձի վրա:
Ծրագրի հիմնական գործընկերներն են ՀՀ տարածքային կառավարման և ենթակառուցվածքների նախարարությունը, ՀՀ ֆինանսների նախարարությունը, ՀՀ կրթության, գիտության, սպորտի և մշակույթի նախարարությունը։