2024 թ․ փետրվարի 7-ին տեղի ունեցավ Հայաստանում Համայնքային առաջին ֆորումը, որն ուներ հետևյալ նպատակները՝
- Ներկայացման և քննարկման միջոցով ծանոթանալ միջազգային լավագույն փորձին և քննարկել դրա տեղայնացման հնարավոր ուղիները․
- Նպաստել տեղական ինքնակառավարման մարմինների միջև համագործակցության և երկխոսության ընդլայնմանը՝ նպատակ ունենալով ապահովել, որպեսզի տեղական ձայնն ու կարիքները հաշվի առնվեն ապակենտրոնացման ռազմավարության և ճանապարհային քարտեզի մշակման ընթացքում․
- Հնարավորություն ընձեռել տեղական ինքնակառավարման մարմիններին և ԴեաԼոԳ ծրագրի կենտրոնական մակարդակի հիմնական գործընկերներին ոչ պաշտոնական և բաց քննարկելու, թե ինչպես լավագույնս և արդյունավետ կերպով շարունակել ուղղահայաց երկխոսությունը՝ ապահովելով, որ տեղական կարիքներն ու ցանկությունները հաշվի առնվեն ապակենտրոնացման ճանապարհային քարտեզում և գործողությունների ծրագրում:
Ֆորումին մասնակցել են 37 համայնքների ներկայացուցիչներ։ Հայանքային ֆորումի ընթացքում քննարկվել են այնպիսի հրատապ թեմաներ, ինչպիսիք են Հայաստանում ապակենտրոնացման բարեփոխումները ընթացքը և առաջիկա զարգացումները, ճգնաժամերին համայնքների և երկրի դիմակայունության բարփրացման գործում ապակենտրոնացման կարևորությունը, համայնքների միջև համագործակցության ձևերը և մեխանիզմները միջազգային պրակտիկայում և Հայաստանում, ֆիսկալ ապակենտրոնացման կարևորությունը և Հայաստանի համեմատականը մի շարք երկրների հետ տեղական ֆինանսների և ֆիսկալ անկախության հիմնական ցուցանիշներով։
Համայնքային ֆորումի հիմնական հրավիրված բանախոսներն էին՝
- պրն. Վաչե Տերտերյան՝ ՀՀ ՏԿԵՆ նախարարի տեղակալ
- պրն. Ֆիլիպ Սանդբերգ՝ Լունդի համայնքի քաղաքական գործիչ (առցանց)
- պրն. Ռայան Նոքս՝ գործադիր տնօրեն, ՍԱԼԱՐ Ինթերնեշնլ
- պրն․ Մագնուս Լիլյեսթրոմ՝ միջազգային փորձագետ, ՍԱԼԱՐ Ինթերնեշնլ
- պրն. Դավիդ Մելուա՝ ՍԱԼԱՐ Ինթերնեշնլ - Վրաստան
- պրն. Էլթոն Սթաֆա՝ ՆԱԼԱՍ-ի ներկայացուցիչ (առցանց)
- պրն․ Քելմենդ Զայազի՝ ՆԱԼԱՍ-ի ներկայացուցիչ (առցանց)